Gúlmaral Erkebaeva Azııa chempıonatynyń qola júldegeri atandy
ASTANA. KAZINFORM — Qyrǵyzstan astanasy Bishkekte ótip jatqan kúresten Azııa chempıonatynda Qazaqstan áıelder komandasynyń qorjynyna qola júlde tústi, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
Asa aýyr salmaqtaǵy (+76 kg) Gúlmaral Erkebaeva kishi fınalda Ońtústik Koreıa palýany Hvan Yn Djýdan myqty ekenin dáleldedi.
Búgin keshki sessııada taǵy eki Ulttyq qurama sportshysy qola júldege talasty. Alaıda Maral Táńirbergen (-50 kg) men Elena Shalygına (-68 kg) qarsylasyna ese jiberdi.
Eske salsaq, keshe grek-rım kúresi sheberleri Azııa chempıonatyn 1 altyn, 3 qolamen aıaqtaǵany belgili boldy.
Budan buryn Memleket basshysy Qasym-Jomart Toqaev boksshy Dına Islambekova men Nadejda Rıabetsti Azııa chempıonatyndaǵy aıtýly jeńisimen quttyqtaǵanyn jazǵanbyz.
