Gúlishan Nahbaeva qazaqstandyq grossmeısterler arasynda úzdik atandy
ShYMKENT. QazAqparat -Almatyda Qazaqstan jáne Ýkraına elderiniń shahmattan áıelder qurama komandalary arasynda ótken joldastyq kezdesýde shymkenttik grossmeıster Gúlishan Nahbaeva «Eń úzdik oıynshy» atandy. QR Shahmat federatsııasy uıymdastyrǵan jarysta ár komandadan 5 oıynshy bir-birimen 5 klassıkalyq jáne rapıd saıysynda baq synaǵan bolatyn, dep habarlaıdy QazAqparat HAA tilshisi.
Qazaqstan qurama komandasy sapynda el namysyn Gúlishan Nahbaeva, Jansaıa Ábdimálik, Gúlmıra Dáýletova, Sholpan Jylqyaıdarova jáne Ásel Serikbaılar qorǵady. Aıta keteıik, ýkraınalyqtar FIDE reıtınginde - úshinshi, qazaqstandyqtar 21-inshi orynda tur. Ýkraına 2013 jyly komandalyq esepte álem chempıony atanǵan myqty qurama. Shahmatshy qyzdarymyz azýly qarsylastaryna laıyqty oıyn kórsete bildi, tek sál sáttilik jetispedi. Nátıjesinde shahmattyń klassıka túri boıynsha 13,5:11,5 jáne rapıd saıysynda 14,5:10,5 esebimen ýkraınalyqtar jeńiske jetti. Qýanarlyǵy, qos quramanyń tartysynda 10 oıynnan 7,5 upaı jınaǵan shymkenttik Gúlishan Nahbaeva «Eń úzdik oıynshy» atandy. Ýkraına quramasynda bul ataq ıÝlııa Osmakqa buıyrdy.
Gúlishan Nahbaeva osyǵan deıin Azııanyń úsh dúrkin chempıony (Tashkent 2007, Nıý Delı 2009, Chennaı 2010), Eýrazııa kýbogynyń jeńimpazy (Almaty 2016), Búkil álemdik olımpıadada 4-6 oryn, Tromsk 2014), álem birinshiliginde 4-oryn (Astana 2013, Chendý 2015 ), Halyqaralyq týrnırlerdiń jeńimpazy (London 2011), Ortalyq Azııa chempıony (Osh 2013), Ýnıversıada chempıony (Kıpr 2013), Azııa birinshiliginiń kúmis júldegeri (Iran 2014), Qazaqstan áıelderi arasynda bes dúrkin chempıon atanǵan. Sondaı-aq maýsym aıynda Qytaıdyń Chendý qalasynda ótken Azııa birinshiliginde 119 shahmatshynyń arasynan 7 upaımen 2-oryndy jeńip alǵan bolatyn.
