Gúlen reseılik dıplomattyń óltirilýine qatysy joqtyǵyn málimdedi
ASTANA. QazAqparat - AQSh-ta boı tasalap júrgen túriktiń oppozıtsııalyq din ýaǵyzdaýshysy Fethýllah Gúlen Túrkııada RF elshisi Andreı Karlovtyń óltirilýin aıyptady, dep habarlady Reıter agenttigi Gúlenniń keńesshisine silteme jasap.
Buǵan deıin Túrkııa astanasynyń meri Melıh Gekchek Ankarada reseılik elshini óltirgen er adam polıtsııa qyzmetkeri bolǵandyǵyn jáne Gúlen jetekshilik etetin ǴETO tobynyń múshesi bolýy múmkindigin málim etken edi.
Agenttiktiń jazýynsha, Gúlen sondaı-aq qarýly shabýylǵa onyń uıymynyń esh qatysy joqtyǵyn jáne qaýipsizdik qyzmetiniń aıyptaýlary «kúlki shaqyratynyn» aıtqan.
Reseı elshisi Andreı Karlovqa qarýly shabýyl dúısenbi kúni Ankarada jasaldy. RF SІM bolǵan oqıǵany terakt dep baǵalady. Pýtın elshige jasalǵan shabýyl boıynsha shuǵyl keńes ótkizdi.
