«Gúlder men adamdar» romanyn óner men ádebıettiń toǵysýy deýge bolady - Asanáli Áshimov

ALMATY. 25 qańtar. QazAqparat - Dıdar Amantaıdyń «Gúlder men adamdar» romany kópjanrly dúnıe. KSRO Halyq ártisi Asanáli Áshimov búgin Almatyda jazýshynyń «Qarqaraly basynda» kitabynyń túrik, frantsýz, mońǵol tilderindegi nusqalarynyń tanystyrylymynda osyndaı pikir bildirdi.

«Bizde akterlardyń óz traktovkasy bolady. Keıbir uly akterlar sózdi emes, oıdy oınaıdy. Sózdi aıtyp tursa da oıy ekinshi planda turady. Ol kórinedi, ózinshe obraz jasaıdy. Jalpy róldi árkim jasaıdy, keıipker jasaý qıyn», - deıdi A.Áshimov. Áıgili óner sheberiniń aıtýynsha, teatrda komedııa degen janr bar. Ol áýeli aıtady, sodan keıin oılaıdy. Tragedııada áýeli oılaıdy sosyn onyń qorytyndysyn aıtady. Al D.Amantaıdyń «Gúlder men adamdar» romany kópjanrly shyǵarma. Tili, fılosofııalyq oıy baı. Teatr jáne kıno akteri, rejısser Asanáli Áshimulynyń sózine qaraǵanda: «Odan alǵan áseri gúlderdiń túrleriniń kóptigi men jazýshylardyń tizimi boldy. Bul óner men ádebıettiń toǵysýy deýge bolady. Sonysymen qyzyqtyrdy. "Mysaly Aqan seriniń «muǵalaq eki dúnıeniń birinde joq» sózi bar. Sony túsinbeı júrip, keıin Qalı Baıjanov degen ártisten suradym. Ol aspanda da, jerde de bolmaıtyn tek ekeýiniń ortasynda turatyn dúnıe eken. Endi ony Dıdardyń kitabynan da keziktirdim" ol.