«Gúlder» ansambliniń mereıtoılyq kontserti ótedi

dep habarlaıdy QazAqparat.

Bıyl shyǵarmashylyq ujym 40 jasqa toldy. Kontserttik baǵdarlama  «Jyl mezgilderi» dep atalatyn tórt bólimnen daıyndalyp, mıýzıkl túrinde ótkizilmek. Kontsertke «Gúlder» ansambli quramynda eńbek etken  Qazaqstan estrada juldyzdary - burynǵy ánshiler men qazirgi jastar qatysady.

Roza Rymbaeva, Qapash Kulysheva, Qaırat Baıbosynov, Sara Tynyshtyǵulova, Qudaıbergen Sultanbaev, Maqpal Júnisova, Naǵıma Esqalıeva, Maıra Núrkenova, Bolat Ábdıahmetov, Jeńis Ysqaqova, Baqyt Shadaeva, Baqtııar Taılaqbaev, Sembek Jumaǵalıev, Gúlnar Sıqymbaeva, Qanat pen Aıtkúl Qudaıbergenovter, Aıjan Nurmaǵambetova, Jeńis Seıdollauly syndy kóptegen óner ıeleriniń shyǵarmashylyq joly dál osy ansamblden bastalǵan.

Qazaqtyń «Gúlder» estradalyq-jastar ansambli 1969 jyly Qazaq KSR-nyń halyq ártisi Gúljıhan Ǵalıevanyń jetekshiligimen qurylǵan bolatyn. Qazir ansambldi belgili sazger-ánshi, Qazaqstannyń eńbek sińirgen qaıratkeri Jeńis Seıdollauly basqarady.