Gúldana Jaýynbekova Taraz qalasy ákiminiń orynbasary bolyp taǵaıyndaldy

Taraz qalasy ákiminiń jańa orynbasary taǵaıyndaldy, dep habarlaıdy Kazinform.

Gúldana Álimjanqyzy 1976 jyly 13 maýsymda Jambyl oblysy Baızaq aýdany Sarykemer aýylynda dúnıege kelgen.

Ulty – qazaq, bilimi – joǵary.

1999 jyly M.H.Dýlatı atyndaǵy Taraz memlekettik ýnıversıtetin «Infraqurylymdaǵy ekonomıka jáne menedjment» mamandyǵy boıynsha bitirgen.

Alǵashqy eńbek jolyn 2000 jyly Jambyl oblysy Baızaq aýdandyq bilim bóliminiń esepshisi bolyp bastaǵan.

2001-2002 jyldary Baızaq aýdany ákiminiń bilim basqarmasynyń ekonomısi; 2002-2007 jyldary Jambyl oblystyq bilim basqarmasynyń ortalyqtandyrylǵan býhgalterııasynyń ekonomısi, qarjy-josparlaý bóliminiń bas mamany; 2007- 2009 jyldary Jambyl oblysy ákimdigi bilim departamentiniń jobalaý jáne josparlaý bóliminiń bastyǵy; 2009-2017 jyldary Jambyl oblysy ákimdiginiń mádenıet basqarmasynyń qarjy jáne josparlaý bóliminiń bas maman-ekonomısi, ishki baqylaý bastyǵy; 2017-2023 jyldary Jambyl oblysy ákimdiginiń ekonomıka jáne bıýdjettik josparlaý basqarmasynyń basshysy; 2023 jyly Jambyl oblysy ákimdiginiń jumyspen qamtýdy úılestirý jáne áleýmettik baǵdarlamalar basqarmasynyń basshysy bolyp jumys atqarǵan.

2023 jylǵy 4 jeltoqsanynan bastap Taraz qalasy ákiminiń ókimimen Taraz qalasy ákiminiń orynbasary bolyp (ekonomıka, qarjy, kásipkerlik, ónerkásip, týrızm jáne aýyl sharýashylyǵy suraqtary boıynsha) taǵaıyndaldy.

Buǵan deıin Berik Jamalbekov Jambyl oblysy boıynsha memkirister departamentin basqaratynyn habarlaǵan bolatynbyz.