Gúldana Almýhambetova sambodan Álem kýboginiń jeńimpazy atandy
ASTANA. KAZINFORM – Máskeý qalasynda erler men áıelder jáne jaýyngerlik sambodan «Sambo Founders Cup» atty Álem kýboginde mańǵystaýlyq Gúldana Almýhambetova jeńimpaz atandy.
MO sambo sport túrinen aǵa jattyqtyrýshy Berik Jumaǵalıev atap ótkendeı, Gúldana alǵashqy beldesýinde Belarýs palýanyn, ekinshi beldesýinde Mońǵolııa palýanyn jáne jartylaı fınalda Reseı palýanyn jeńdi. Al, fınaldyq beldesýde taǵy da reseılik balýannan basym túsip, jarystyń birinshi kúni 54 keli salmaqta chempıon atandy.
Reseı Federatsııasynda sambonyń negizin qalaýshylardyń júldesine arnalǵan «Sambo Founders Cup» týrnıri 21 naýryz kúni bastalǵan bolatyn. Báseke búgin máresine jetedi.
Atalǵan jarysqa 16 memleketten 400-ge jýyq sportshylar qatysyp jatyr.
Aıta ketsek, Gúldana Almýhambetova sambodan 2023 jylǵy Álem chempıonatynyń qola júldegeri atanǵan.
