Gúlbaram Musaǵazına Qostanaı oblysy ákiminiń orynbasary bolyp taǵaıyndaldy
ASTANA. KAZINFOFM - Qostanaı oblysynyń ákimi Qumar Aqsaqalovtyń ókimimen 2024 jylǵy 9 shildeden bastap Gúlbaram Musaǵazına Qostanaı oblysy ákiminiń orynbasary bolyp taǵaıyndaldy.
Buǵan deıin Gúlbaram Ǵızatqyzy Qostanaı oblysy ákimdiginiń Ekonomıka jáne bıýdjettik josparlaý basqarmasynyń basshysy qyzmetin atqardy.
Oblys ákimdigi baspasóz qyzmetiniń habarlaýynsha, ol ekonomıka, qarjy, memlekettik satyp alýdy uıymdastyrý, oblys turǵyndarynyń densaýlyǵyn saqtaý, halyqty áleýmettik qorǵaý jáne jumyspen qamtý, eńbek qatynastary salasyndaǵy eńbek zańnamasynyń saqtalýyn qamtamasyz etý máselelerimen aınalysady.
Gúlbaram Ǵızatqyzy 1976 jyly 12 maýsymda Qostanaı oblysy Jitiqara qalasynda dúnıege kelgen. Joǵary bilimi bar. Eńbek jolyn 1997 jyly Qostanaı oblysy Jitiqara aýdanynyń salyq bóliminde bastady.
Ár jyldary býhgalter, qarjylyq baqylaý ınspektory bolyp jumys istedi . 2012 jyly QR Qarjy mınıstrligi Іshki memlekettik aýdıt komıtetiniń Qostanaı oblysy boıynsha ishki memlekettik aýdıt departamentiniń basshysy qyzmetin atqardy.
2019 jyldan qazirgi ýaqytqa deıin Qostanaı oblysy ákimdiginiń Ekonomıka jáne bıýdjettik josparlaý basqarmasyn basqardy.
