Gúlbaný Abdýlına karantındi jeńildetý týraly: Jaýapkershilikti seziný kerek
NUR-SULTAN. QazAqparat - Adamǵa jaqyndary, týǵan-týys pen aınalasyndaǵy adamdar qymbat bolsa - koronavırýs indetine qatysty jaǵdaıda jaýapkershilikti sezinýi kerek. Bul týraly ánshi, QR Eńbek sińirgen qaıratkeri Gúlbaný Abdýlına aıtty, dep habarlaıdy QazAqparat tilshisi.
«Adamǵa jaqyndary, týǵan týys pen aınalasyndaǵy adamdar qymbat bolsa - koronavırýs indetine qatysty jaǵdaıda jaýapkershilikti sezinýi kerek. Bar bolǵany - jaýapkershilik seziný kerek. Men eresek adam bolǵandyqtan bul indettiń qanshalyqty qaýipti ekenin túsinip, jaqyndarym úshin ýaıymdaımyn. Olardyń aýyryp qalǵanyn qalamaımyn. Ár adam jaqyndaryna qatysty osylaı ýaıymdasa - tártipke baǵynady», - deıdi ánshi Gúlbaný Abdýlına.
Sondaı-aq, ol jaǵdaıdyń durystalýy basshylyqtyń durys sheshim qabyldaýyna da baılanysty ekenin aıtty.
«Bul máselede árkim ózine jaýapkershilik alýy kerek. Bılik durys sheshim qabyldasa - biz árdaıym qoldaımyz», - deıdi ol.
Aıta keteıik, 13 tamyzda QR Premer-Mınıstri Asqar Mamınniń tóraǵalyǵymen ótken memlekettik komıssııa otyrysynda Karantın sharalaryn kezeń-kezeńimen alyp tastaý jospary bekitildi.
