Gúl dúkenindegi jaǵdaı: Buzaqy polıtseıdiń janyndaǵy memkirister basqarmasy basshysynyń orynbasary qatań sógis aldy
Shymkentte gúl satýshyny urǵan buzaqynyń qasyndaǵy ekinshi adam Eńbekshi aýdany boıynsha memlekettik kirister basqarmasy basshysynyń orynbasary bolyp shyqty.
Áleýmettik jelide taraǵan vıdeodan memlekettik qyzmetkerdiń quqyq buzýshynyń qasynda birge júrgenin kórýge bolady.
«Memlekettik qyzmetshilerge tártiptik jaza qoldaný qaǵıdalarynyń 34-tarmaǵyna sáıkes D.Elqondyǵa Qazaqstan Respýblıkasy memlekettik qyzmetshileriniń ádep kodeksiniń normalaryn buzǵany úshin tártiptik jaza qoldaný maqsatynda materıaldar Shymkent qalasy boıynsha memlekettik kirister departamentiniń basshysyna joldandy. Nátıjesinde departament basshysynyń 14 tamyzdaǵy buıryǵymen D.Elqondyǵa qatań sógis túrindegi tártiptik jaza qoldanyldy» delingen Shymkent qalasy boıynsha memkirister departamentiniń baspasóz qyzmeti taratqan aqparatta.
Eske sala keteıik, gúl dúkenindegi vıdeoǵa Shymkent prokýratýrasy túsinik bergen edi.
Keıin Іshki ister mınıstrligi Shymkenttegi gúl dúkeninde eki bólek oqıǵa bolǵanyn habarlap, ár jaıt boıynsha resmı aqparattandyrdy.
Sondaı-aq buzaqynyń qasynda memkirister departamentiniń qyzmetkeri erip júrgenin jazǵan bolatynbyz.
