Gýbka shyǵaratyn tsehtaǵy órtpen 100-den astam aqtóbelik qutqarýshy kúresti
Oqıǵa keshe saǵat 21:11-de tirkeldi. Órt Aqtóbe qalasy, 41-razezd aımaǵynda ydys jýýǵa arnalǵan gýbka shyǵaratyn tsehta tutandy.
Bastapqyda tilsiz jaýmen kúreske 47 adam men 9 tehnıka jumyldyrylsa, keıin olardyń sany 101 adam men 19 tehnıkaǵa deıin arttyrylǵan.
«Shaqyrtý ornyna barǵan kezde qoıma shatyrynyń jalyndap jatqany anyqtaldy. Adamdar zardap shekpedi. Órttiń alańy - 900 shashry metr. Jalyn eki saǵatta sóndirildi. Órt sóndirýshilerdiń jedel áreketiniń nátıjesinde ottyń basqa ǵımarattarǵa taralýyna jol berilmedi. Tseh ishindegi zattar syrtqa shyǵaryldy. Oqıǵanyń sebebi anyqtalyp jatyr», - dedi oblystyq TJD baspasóz qyzmetinen.
Óndiris tsehynyń ıesi Uzaqbaı Aıtjannyń aıtýynsha, aldymen kúzetshi tútin shyqqanyn habarlaǵan.
«Men jetken kezde mamandar órt sóndirip jatyr. Olar tez jáne batyl qımyldady. Alǵysymdy aıtamyn. Qundy zattardy saqtap qalýǵa kómektesti», - dedi Uzaqbaı Aıtjan.
