Guardian hanzada Charlzdiń mınıstrlerge jazǵan hattaryn jarııalady
ASTANA. QazAqparat - Brıtanııanyń Guardian gazetinde hanzada Charlzdiń Brıtan úkimetiniń keıbir múshelerine jazǵan jeke hattaryn jarııalandy, dep jazady "VVS" agenttigi.
Basylym 2004-2005 jyldary jiberilgen 27 hatty jarııalaǵan. Hanzadany bıznes, densaýlyq saqtaý, ınnovatsııalar máseleleri, balalyq shaq, mektep jáne otbasy jónindegi mınıstrliktiń, qorshaǵan orta, mádenıet, BAQ jáne sport, sondaı-aq Soltústik Irlandııa jáne úkimet apparatynyń jumysy qyzyqtyrdy.
Máselen, hanzada Charlzdiń premer-mınıstrge jazǵan hattarynyń birinde ol qarýly kúshterdiń Iraktaǵy qarýly is-qımyldarǵa «qajetti resýrstarsyz» qatysýǵa májbúr ekenin jazǵan.
Hattardy jarııalaý uzaqqa sozylǵan sot qaraýynan keıin ǵana múmkin boldy, sonyń barysynda Joǵarǵy sot úkimettiń hattardyń mazmunyn qupııa etip saqtaý ótinishin qabyldamaǵan.
Ulybrıtanııanyń premer-mınıstri Devıd Kemeron sot sheshimine narazylyq bildirip otyrǵanyn jetkizdi.
