Gýantanamonyń burynǵy tutqynyna 8,1 mln dollar ótemaqy tólendi
ASTANA. QazAqparat - Kanada bıligi Gýantanamonyń burynǵy tutqyny Omar Hadrǵa Aýǵanstandaǵy amerıkalyq áskerı bazada tutqynda bolǵan kezinde moraldyq nuqsan keltirgeni úshin ótemaqy retinde 10,5 mıllıon kanada dollaryn tóledi, dep jazady Globe and Mail basylymy jaǵdaımen tanys derekkózderge silteme jasap.
2002 jyldyń qazan aıynda amerıkalyq arnaıy maqsattaǵy jasaq áskerleri Hadrdy AQSh áskerine qarsy synaq granatasyn qoldandy degen kúdikpen ustap, Gýantanamodaǵy áskerı bazaǵa tutqynǵa aldy. 15 jasynda qamaýǵa alynǵan ol Gýantanamodaǵy eń jas tutqyn atandy. 2012 jyldyń qyrkúıek aıynda sol eldiń azamaty sanalatyn Hadr Kanadaǵa jer aýdaryldy.
Kanadanyń Joǵarǵy soty Aýǵanstandaǵy Hadr tergeýine qatysqan federaldy bıliktiń «kámelettik jasqa tolmaǵandardyń bazalyq kanadalyq ustaý standarttaryn» buzýshylyqqa qatysty áreketin 2010 jyldyń ózinde-aq moıyndaǵan bolatyn.
Omar Hadr Torontoda týǵan, alaıda balalyq shaǵy men jastyq shaǵynyń basym bóligin Pákistan men Aýǵanstanda ótkizdi.
