Gýanchjoýdaǵy Azııa oıyndarynda Qazaqstan quramasy qorjynyna eki altyn medal tústi
BEIJІŃ. 17 qarasha. QazAqparat /Rýslan Súleımenov/ - Gýanchjoýda ótip jatqan XVI Azııa oıyndarynyń tórtinshi kúni Qazaqstanǵa altyn medal ákeldi. Oq atý saıysy boıynsha áıelder quramasy men qazaqstandyq shtangashy Maııa Maneza el qorjynyna altyn júldeler saldy.
Seısenbi, 16 qarasha kúni Zaýresh Baıbosynova, Galına Belıaeva men ıÝlııa Drıshlıýkten quralǵan oq atý saıysy boıynsha áıelder quramasy Qazaqstanǵa alǵashqy altyn medal ákeldi. Olar komandalyq esepte eń úzdik bolyp shyqty (25 m).
Sol kúni Gýanchjoýda 63 keli salmaqqa deıingi aýyr atletıka boıynsha áıelder arasyndaǵy jarystar boldy. Qazaqstandyq sportshy Maııa Maneza basty qarsylasy qytaılyq Chen Aıchan esimdi sportshyny artqa qaldyryp, moınyna altyn medaldy taǵyndy.
Qazaqstandyq aýyr atletter de el úmitin aqtady, 77 keli salmaqqa deıingi aýyr atletıka boıynsha erler arasyndaǵy saıysta Kırıll Pavlov kúmis júldeni, Dáýren Shaıteev qola júldeni jeńip aldy.
Andreı Gýrov, Rassım Moloǵly jáne Baqtııar Ybyraevtan turatyn erler komandasy oq atý saıysy boıynsha komandalyq esepte qola júldege ıe boldy (10 m).
Sonymen Qazaqstan quramasynyń qorjynynda ázirge 16 medal bar, onyń ekeýi altyn, beseýi kúmis jáne toǵyzy qola júlde. Qytaı komandasy 133 júldege, sonyń ishinde 77 altyn medalǵa ıe bola otyryp, úzdik keledi. Ekinshi jáne úshinshi oryndarda Ońtústik Koreıa (66-22) men Japonııa (78-15) elderi tur. Júldelik esepte Qazaqstan 7-nshi orynǵa shyqty (16-2).
