Gýanchjoýdaǵy Azııa oıyndarynda Qazaqstan quramasy beıresmı jalpykomandalyq esepte 8-shi orynda tur
JІŃ-GÝANChJOÝ. 15 qarasha. QazAqparat /Rýslan Súleımenov/ - Qazaqstan quramasy Gýanchjoýda ótip jatqan XVI Azııa oıyndarynda júldelik esep boıynsha eki satyǵa joǵarylap, 8-orynǵa shyqty. Qazaqstan quramasynyń júldeler qorjynynda úsh kúmis jáne jeti qola medal bar.
Búgin oq atý saıysy boıynsha dara sanattaǵy kúmis medaldy ıÝrıı Melsıtov pen Olga Dovgýn taǵyndy. Komandalyq esepte ıÝrıı Melsıtov, Igor Perıkeev jáne Aleksandr Ermakov Qazaqstan quramasyna jetinshi qola medal ákeldi.
Ótken senbi, 13 qarasha kúni erler arasyndaǵy 100 kelige deıingi aýyr atletıka saıysynda Maksım Rakov, 78 kelige deıingi salmaq dárejesinde áıelder saıysy arasynda Ǵalııa Ólmentaeva jáne 78 keliden joǵary salmaqta Gúljan Issanova qola medaldardy jeńip aldy.
Jeksenbi, 14 qarasha kúni aýyr atlettar arasynda 53 keli salmaqqa deıingi salmaq dárejesinde kúmis medalǵa qazaqstandyq sportshy Zýlfııa Chınshanlo ıe boldy. Dzıýdo boıynsha Islam Bozbaev, trıatlon saıysynda Dmıtrıı Gaag jáne sport bıleri boıynsha Qazaqstan komandasy elimizge qola medaldarmen oralatyn boldy.
Jalpykomandalyq beıresmı esepte Qytaı quramasy alda keledi, olardyń enshisinde 70 júlde, onyń 40-y altyn. Ekinshi jáne úshinshi oryndarda Ońtústik Koreıa men Japonııa elderi tur.
XVI Azııa oıyndary 27 qarashaǵa deıin jalǵasady.
