Gýanchjoýdaǵy Azııa oıyndarynda Qazaqstan 7-shi orynǵa kóterildi, tórtinshi altyn medaldy aýyr atlet Svetlana Podobedova jeńip aldy
JІŃ-GÝANChJOÝ. 19 qarasha. QazAqparat /Rýslan Súleımenov/ - Keshe, beısenbi, 18 qarasha kúni Qytaıdyń Gýanchjoý qalasynda ótip jatqan XVI Azııa oıyndarynda qazaqstandyq sportshy qyz Svetlana Podobedova 75 keli salmaqqa deıingi aýyr atletıka saıysynda el qorjynyna altyn medal ákeldi.
Qytaılyq aýyr atlet Tsao Leıden 22 keli artyq salmaq kóterip, 287 keli salmaqty baǵyndyrǵan Svetlana Podobedova birinshi orynǵa ıe boldy. Qazaqstannyń taǵy bir sportshysy Tatıana Hromova 250 keli salmaqty kóterip, Azııa oıyndarynyń qola júldegeri atandy.
Sol kúni sýda júzýshi jerlesterimiz 4h100 metr estafetalyq jarysta komandalyq esep boıynsha Japonııa jáne Ońtústik Koreıa quramalaryna jol berip, qola medalǵa ıe boldy.
Júldelik esep boıynsha Qazaqstan 7-shi orynǵa shyqty. El quramasynyń qorjynynada 26 medal bar, onyń tórteýi altyn, jeteýi kúmis jáne 15-i qola júlde. 203 medal, sonyń ishinde 109 altyn medal alǵan Qytaı eli alda keledi. Ońtústik Koreıa (109-37) ekinshi orynda, Japonııa (106-21) úshinshi orynda tur.
