Gýanchjoýda XVI jazǵy Azıada oıyndary bastaldy
BEIJІŃ. 13 qarasha. QazAqparat /Rýslan Súleımenov/ - Juma kúni Qytaıdyń ońtústiginde, Gýanchjoýda XVI jazǵy Azıada oıyndarynyń ashylý saltanaty boldy.
Ashylý saltanatynda QHR Memlekettik keńesiniń premeri Ven Tszıabao qatysty. Ol XVI jazǵy Azıada oıyndaryn ashyq dep jarııalady.
«Azııanyń eń myqty sportshylary 16 kún boıy bas júlde úshin kúresip, óz sheberlikterin kórsetetin jáne Azııa elderiniń elshileri retinde qatysatyn oqıǵaǵa taǵy bir márte kúá bolyp otyrmyz», - dep atap ótti Qytaı premeri.
Azııa Olımpıada Keńesiniń prezıdenti sheıh Ahmed al-Fahd as-Sabah Gýanchjoý qalasy alty jylǵy daıyndyqtan keıin bizge óz eńbeginiń jemisi men XVI jazǵy Azıada oıyndary arqyly jumsaǵan kúsh-jigeriniń jetistikterin kórsetpekshi dep atap ótti.
Uıymdastyrýshylardyń sózine qaraǵanda, Azıada oıyndarynyń ashylý saltanatyna 57 mln. AQSh dollaryna jýyq qarajat jumsalǵan.
Gýanchjoý qalasynda 12-27 qarasha aralyǵynda Azııanyń 45 elinen kelgen sporshylar qatysatyn jazǵy Azııa oıyndary ótedi. Sporttyń 42 túri boıynsha 476 altyn medal báıgege túsedi.
