Gýanchjoý jazǵy Azııa oıyndaryn ótkizýge daıyn
BEIJІŃ. 11 qarasha. QazAqparat /Rýslan Súleımenov/ - Gýanchjoýdaǵy 16-shy Azııa oıyndaryna daıyndyq aıaqtaldy. Bul týraly sársenbi, 10 qarashada ótkizilgen baspasóz máslıhatynda Azııa oıyndary uıymdastyrý komıtetiniń bas hatshysynyń orynbasary Sıýı Jýıshen habarlady.
Onyń aıtýynsha, alty jyl qaýyrt jumystardan keıin 16-shy Azıadaǵa daıyndyq jumystary aıaqtaldy. 53 sporttyq nysan men 17 táýelsiz jattyǵý ortalyǵynyń testilik synaqtary aıaqtalyp, olar 5 qarashadan bastap ashyldy.
Azııa oıyndarynyń alaýy Beıjiń, Harbın, Chanchýn, Haııan men Gýandýn provıntsııasynyń 20 qalasyna jasaǵan saparynan keıin 5 qarashada Gýanchjoýǵa oraldy.
Azııa oıyndary 12 qarashada bastaý alady. 15 kún ishinde 45 azııalyq elden kelgen 10126 sportshy 42 sport túrinen saıysqa túsedi. Qazaqstan quramasynda jazǵy sporttyń 32 túri boıynsha óner kórsetetin 393 sportshy bar.
