Gýanchjoý turǵyndary karantınnen qaýiptenip, azyq-túlikti molynan satyp alyp jatyr
Qytaılyq BAQ jazýynsha, jergilikti sheneýnikterdiń megapolıste azyq-túlik qory jetkilikti ekendigi týraly málimdemesine qaramastan, Gýanchjoýdaǵy keıbir bazarlar men birqatar kóterme saýda dúkenderinde halyqtyń azyq-túlikti kóptep alyp júrgeni baıqalǵan.
Gýanchjoýdyń halqy tyǵyz ornalasqan Baııýn aýdanynda ǵana jarym-jartylaı karantın engizilgen.
Onda kovıd shekteýleri aımaqtaǵy 3,7 mln halyqtyń 5 myńǵa jýyq turǵynyna qatysty boldy.
Osy arada, qurlyqtyq Qytaı provıntsııalarynyń kópshiligin jaılaǵan COVID-19 vırýsynyń keıde órship turýy shamamen 18 mln halqy bar Gýanchjoýdy azyq-túlikpen qamtamasyz etýge keri áserin tıgizýde.
Dúısenbi kúni ótken brıfıngte Beıjiń bıligi jurtshylyqty Qytaı astanasyn azyq-túlikpen qamtamasyz etý jaǵynan qazirgi jaǵdaıdyń turaqty jáne olar jetkilikti mólsherde ekenine sendirdi.
Ótken táýlikte Beıjińde COVID-19 ınfektsııasyn juqtyrýdyń tórt oqıǵasy anyqtaldy.
Dúısenbi kúni Qytaı úkimeti aımaq bıligin júk tasymalynyń kedergisiz qozǵalysyn qamtamasyz etýge jáne kólik joldaryn dáleldi sebepsiz jappaýǵa úndegen habarlama taratqan.
Resmı statıstıka boıynsha, 10 sáýirde Gýanchjoýda koronavırýs juqtyrýdyń 27 jergilikti oqıǵasy tirkeldi.
Óz kezeginde, Qytaı materıginde toǵyzynshy kún qatarynan aýrýǵa shaldyǵýdyń eń joǵary resmı kórsetkishi tirkelgen Shanhaı qalasynda ótken táýlikte COVID-19 ınfektsııasyn juqtyrýdyń 23 myńnan astam jergilikti oqıǵasy tirkeldi.
