Gýanchjoý olımpıadasyndaǵy jeńisterdiń olımpıadalyq rýhy Qazaqstanǵa aýysady - VII qysqy Azıada oıyndaryn uıymdastyrý komıtetiniń Atqarýshy dırektsııasynyń prezıdenti A.Qulnazarov
BEIJІŃ. Qazannyń 22-si. QazAqparat /Rýslan Súleımenov/ - Beısenbi, qazannyń 22-sinde Beıjińde 2011 jyly Qazaqstanda ótetin qysqy Azııalyq oıyndarǵa arnalǵan baspasóz máslıhaty ótti.
Onda VII qysqy Azıada oıyndaryn uıymdastyrý komıtetiniń Atqarýshy dırektsııasynyń prezıdenti Anatóli Qulnazarov sóz sóıledi jáne qytaı jýrnalısteriniń saýaldaryna jaýap berdi.
A. Qulnazarov málim etkendeı, aǵymdaǵy jyldyń qarasha aıynda sporttyq marafon bastalady, Gýanchjoýdaǵy XVI jazǵy Azııalyq oıyndardy ótkizýden bastalatyn marafon 2011 jyly qańtardyń 30-ynda respýblıkanyń Astana men Almaty qalalarynda VII qysqy Azıada oıyndary bastalatyn Qazaqstanǵa oıysady.
«Gýanchjoý olımpıadasyndaǵy jeńisterdiń olımpıadalyq rýhy Qazaqstanǵa aýysady», - deıdi VII qysqy Azıada oıyndaryn uıymdastyrý komıtetiniń Atqarýshy dırektsııasynyń prezıdenti.
Baspasóz máslıhatynda jýrnalıster men qonaqtarǵa sondaı-aq VII Azıada oıyndary týraly beınebaıandar kórsetildi.
