Gýamǵa «Mavar» taıfýny taıap keledi

BRıÝSSELЬ.QazAqparat - Qýatty tropıkalyq tsıklon AQSh aýmaǵyn aınalyp ótýi múmkin, biraq qatty jel araldyń kóp bóligin elektr qýatynsyz qaldyrdy, dep habarlaıdy QazAqparat Euronews-ke silteme jasap.

Qatty jel, nóser jáne sýdyń tolqyn deńgeıinen 4 jarym metrge kóterilýi men «Mavar» taıfýnynyń jaqyndaýyna baılanysty Gýam turǵyndaryna «úsh ese» qaýip týraly eskertildi.

Meteorologtardyń málimetinshe, sársenbi kúni tańerteń alyp taıfýn Tynyq muhıtynyń Amerıkadaǵy aýmaǵy jaǵalaýynan shamamen 110 shaqyrym jerde bolǵan, al jeldiń jyldamdyǵy 225 km/saǵ jetken.

Sý tasqyny qaýpine baılanysty jergilikti bılik qańyltyr nemese aǵash konstrýktsııaly úılerdiń turǵyndaryn evakýatsııalaýda.

Bir kún buryn Djo Baıden aralda tótenshe jaǵdaı jarııalap, halyqqa federaldy kómek kórsetýdi buıyrdy.