«GTA bandasynyń» isine qatysty Máskeý oblystyq sotynyń otyrysynda atys boldy
ASTANA. QazAqparat - Qyzmetkerler men kelýshiler ǵımaratqa qaıta kirdi. Shabýyldaǵan úsh adam óltirilip, ekeýi ustaldy, dep habarlaıdy reseılik RBK agenttigi.
Máskeý oblystyq sotynda «GTA bandasy» isi boıynsha protseste atys boldy. Sottalýshylardyń biri lıftide aıdaýylǵa shabýyldamaqshy bolǵan.
Advokattarǵa silteme jasap, jaralanǵandar bar ekenin habarlady, olardyń ishinde sot qyzmetkerleri men prıstavtar da bar. Zańgerdiń aıtýynsha, ol keminde jıyrma ret oq atylǵanyn estigen. TASS konvoı qyzmetkeri men prıstavtyń jaralanǵanyn rastady.
Sottyń baspasóz hatshysy Natalıa Osıpova sot ǵımaratynda evakýatsııa júrgenin de rastady. Otyrys belgili bir merzimge keıinge qaldyryldy. Ázirge sebebi rastalǵan joq.
«Interfaks» derekkózi shabýyldaǵan bes adamnyń úsheýi óltirilip, ekeýi ustalǵanyn aıtty. «Munyń aldynda olar qarýmen konvoıǵa shabýyldaǵan», - dep jazdy agenttik.
«Lenta.rý» derekkózi úsh aıyptalýshynyń qaza tapqanyn rastady. Sottalýshylardyń burynǵy advokaty aıyptalýshylardyń tórteýi qaza bolǵanyn habarlady.
Sottyń baspasóz hatshysy Natalıa Osıpova evakýatsııalanǵan adamdar ǵımaratqa qaıta kirgenin málim etti.
