GSM uıaly baılanys operatory qasıetti Ramazan aıynda jańa sms habar berý qyzmetin iske qosty

Ramazan aıy musylmandar úshin eń qasıetti aı. Bul aıda Islam talap etetin mindetter qatań qadaǵalanýy tıis. Sondyqtan da ózin musylmanmyn dep esepteıtin árbir azamat bul aıda otyz kún Oraza tutyp, Jaratqanǵa qulshylyq etedi. Osyǵan qaraı Kcell men Activ qyzmet kórsetý júıesin paıdalanatyn azamattarǵa jańa sms habar taratý qyzmetin paıdalana otyryp, Oraza aıynda atqarylýy tıis mindetter jónindegi aqparattardy alýǵa múmkindik týyp otyr. Atalmysh júıege qosylǵan azamattar saǵat 12-00-de namaz ýaqytynyń tártibi týraly aqparat alyp, 12-den 15 mınót ótkende Quran aıattary men qurban shalý, Oraza ustaý tártibinen habardar bolyp otyrady.

Atalmysh qyzmet túrin Astana men Almaty qalalarynyń jáne oblys ortalyqtarynyń turǵyndary paıdalana alady. Júıege qosylý úshin 4010* nómirine kırılıtsa nemese latyn qarpimen ózi turyp jatqan qalanyń aty jazylǵan sms habardy jiberý qajet. Júıege qosylýdyń birmezgildik aqysy qosymsha qun salyǵyn qosa eseptegende 400 teńge turady. Atalmysh júıege qosylýǵa qatysty ózge de málimetterdi www.kcell.kz korporatıvti saıtynan nemese 8 (727) 263 5790 telefony arqyly bilýge bolady.