GSM Qazaqstan/Kcell telekommýnıkatsııa salasynyń aldaǵy damý baǵyttary jaıly zertteýdiń nátıjelerimen tanystyrdy
ALMATY. Aqpannyń 24-i. QazAqparat /Ádilet Musahaev/ - Mobıldi telefon nesıe kartasynyń, esik kiltiniń, turmystyq aspaptardy basqarý tetiginiń jáne dabylnamanyń qyzmetterin atqarmaq,
dep habarlaıdy QazAqparat.
GSM Kazahstan/Kcell korporatsııa basqarmasynyń dırektory Aıda Dosaevanyń aıtýynsha, olardyń korporatsııasynyń 51 paıyzy TeliaSonera kompanııasyna tıesili. TeliaSonera kompanııalar tobynyń naryq trendteriniń zertteýleri 2006 jyldan beri júrgizilip, jyl saıyn Trend Report esebinde jarııa etiledi. Endi bul jobaǵa Qazaqstan da qosyldy. Zertteý United Minds uıymymen 2009 jyldyń qyrkúıek-jeltoqsan aılarynda jeke zańdy tulǵalar arasynda Qazaqstan, Shvetsııa, Fınlıandııa, Norvegııa, Danııa jáne Lıtvada júrgizilgen. Qazaqstandaǵy ınternet-saýalnamaǵa 1050 jeke tulǵa men 502 uıymnyń qyzmetkerleri qatysqan.
Zamanaýı baılanys tásilderi qazaqstandyqtardyń ómirin jeńildetedi, respondentterdiń 98 paıyzy osyndaı pikir bildirgen, 91,2 paıyzy telekommýnıkatsııa quraldary jalǵyzdyq seziminen arylýǵa múmkindik beredi dep kýálandyrǵan. Budan bólek, saýalnama Qazaqstandaǵy ınternet tutynýshylarynyń 64,3 paıyzy ǵalamdyq jelige mobıldi kómegimen shyǵatynyn kórsetken, onyń ishinde 31,3 paıyzy muny aptasyna birneshe ret, al 11 paıyzy kúnde kiretindigin aıtqan.
«Tehnologııalardyń damýy - sheksiz úderis jáne bolashaqta telekommýnıkatsııalar qyzmetteri kúmánsiz keńeıe bermek. Buǵan edáýir deńgeıde Qazaqstan 3G, al keıinnen LTE tehnologııalaryn endirý sebep bolmaq», deıdi A.Dosaeva.
