GSM Qazaqstan/Kcell kompanııasy Twitter mıkroblogynyń paıdalanýshylaryna arnalǵan SMS almasý servısin engizdi
ASTANA. 30 naýryz. QazAqparat - Kcell jáne Activ taýar belgilerin usynǵan GSM Qazaqstan kompanııasy Twitter Internet-resýrsynyń paıdalanýshylaryna arnalǵan SMS-servıstiń engizilgendigin jarııalady.
Endi kompanııa abonentteri úshin mıkroblog servısinde qatynasý úshin Internetke shyǵýdyń qajeti joq.
Servısti engizbes buryn GSM Qazaqstan/Kcell kompanııasy áleýmettik jelilerdiń qatysýshylary arasynda saýalnama júrgizgen bolatyn, onyń barysynda Twitter paıdalanýshylaryna arnalǵan qysqa habarlamalar servısine degen qajettik anyqtaldy. Abonentterdiń talaptaryna saı bolý nıetimen kompanııa osy servısti engizdi. «Biz osy jańalyqtyń dostarymen jáne týystarymen qatynasý úshin, sondaı-aq tanystyqtar órisin keńeıtý úshin áleýmettik jelilerdi qarqyndy paıdalanatyn abonentterdiń kóńilderinen shyǵatynyna senimdimiz. GSM Qazaqstan/Kcell árdaıym óz abonentterine olardyń kútkenderinen shyǵatyn, keıde tipti olardan asyp túsetin servısterdi usynýǵa talpynady», - dep atap ótti GSM Qazaqstan/Kcell kompanııasynyń korporatıvtik kommýnıkatsııalar departamentiniń dırektory Aıda Dosaeva.
Twitter SMS-servısin qostyrý úshin Kcell nemese Activ abonenti 4040 nómirine «START» degen sózi bar qysqa habarlama joldap, ary qaraı nusqaýlyqtarǵa júginýi qajet. Osylaısha paıdalanýshylar Twitter-ge SMS arqyly hat joldaý, ózine baǵyttalǵan habarlamalardy alý, sondaı-aq tańdalǵan dostardan habarlama alý múmkindigin alady. SMS-servısti Twitter profılinde de, SMS arqyly da retteýge bolady. Tolyǵyraq nusqaýlyq GSM Qazaqstan kompanııasynyń www.kcell.kz jáne www.activ.kz veb-saıttarynda keltirilgen.
