GSM Qazaqstan/Kcell Baılanys jáne aqparat mınıstrliginiń uıaly baılanys qyzmetin tómendetý týraly is-qımylyn qoldaıdy - kompanııa ókili
ALMATY. Shildeniń 26-sy. QazAqparat /Erbol Azanbek/ - GSM Qazaqstan/Kcell uıaly baılanys operatory Baılanys jáne aqparat mınıstrliginiń uıaly baılanys qyzmetin tómendetý týraly is-qımylyn qoldaıdy. Bul týraly búgin Almatyda ótken baspasóz máslıhatynda kompanııanyń marketıng jónindegi dırektory Kaspars Kýkelıs aıtty.
Onyń aıtýynsha, kompanııa tarapynan sońǵy 3 jylda tarıfterdi tómendetý josparly túrde júzege asyrylýda. Máselen 2008 jyly Activ-tiń barlyq tarıfteri 20 paıyzǵa tómendetilgen. Al 2009 jyly 5 tarıf boıynsha 1 mınýt quny jeli ishinde 9 teńgege, 191 halyqaralyq baǵyt boıynsha qońyraýlar quny 2,5 esege, roýmıngte qońyraý shalý quny 50 paıyzǵa tómendetilgen. Al uıaly ınternet quny 1 Megabaıt úshin 2,32 teńgeni quraǵan. Al bıylǵy jyly aımaqtyq 4 tarıf boıynsha jeli ishindegi qońyraý quny 1 teńgege deıin, álemniń 100 eli boıynsha roýmıngte kiris qońyraýlarynyń baǵasy 50 teńgege deıin tómendetilgen.
Esterińizge sala keteıik, osydan on kún buryn QR Baılanys jáne aqparat mınıstri Asqar Jumaǵalıev baılanys operatorlarynyń keńesi ókilderimen kezdesýi barysynda tarıfterdi tómendetý máselesin kótergen bolatyn. Kaspars Kýkelıs mınıstrliktiń bastamasyn qoldaý baǵytynda tómendetilgen jańa tarıftik jobalardy júzege asyratyndyqtaryn atap ótti.
