GSM Qazaqstan/Kcell 1 jeltoqsannan bastap Almaty men Astanada 3G qyzmetin iske qosady
ATY. 29 qarasha. QazAqparat /Erbol Azanbek/ - GSM Qazaqstan/Kcell 1 jeltoqsannan bastap Almaty men Astana qalalarynda 3G qyzmetin iske qosady. Bul týraly búgin Almatyda ótken baspasóz máslıhatynda kompanııanyń bas atqarýshy dırektory Vaısel Aral málim etti.
Onyń aıtýynsha, qazirgi kezde Astana men Almaty qalalarynda kerek jabdyqtar ornatylyp, 90 stansy qurylǵan. «Aldaǵy jeltoqsannan bastap 3G qyzmetin engizýge tolyq daıynbyz», - dedi V.Aral.
3G Kcell, activ abonentteri arasynda ınternetke joǵary jyldamdyqpen qatynaý, elektrondy poshtamen, faıl qosymshalarymen, onlaın oıyndarmen jumys jasaý jyldamdyǵyn joǵarlatady. Sondaı-aq beıne qońyraýdy júzege asyrýǵa múmkindik beredi.
V.Araldyń aıtýynsha, ınternet quny 1 MB úshin 2,3 teńgeden 11,8 teńgege deıin bolsa, ınternet qońyraý quny ádettegi daýys qońyraý qunymen ólshenedi. Sondaı-aq 2011 jyldan bastap elimizdiń qalǵan aımaqtarynda da iske qosyla bastamaq.
Esterińizge sala keteıik, uıaly baılanystyń úshinshi urpaǵyn búginde álemniń 152 eli qoldanady. Ótken aptada Bılaın uıaly baılanysyn usynatyn «Kar-Tel»JShS ókilderi de 1 jeltoqsannan bastap 3G-di iske qosatynyn málimdegen edi.
