Grýzııanyń Parlament saılaýynda saılaýshylardyń 56,11% daýys berdi
TBILISI. NOVOSTI-GRÝZIıA – QazAqparat - Grýzııada ótken parlamenttik saılaýda daýys berýshiler sany 56,11% qurady, ıaǵnı 1 970 540 adam daýys berdi.
Bul týraly Ortalyq saılaý komıssııasynyń «OSK» baspasóz - spıkeri Anna Mıkeladze arnaıy brıfıng barysynda aıtty, dep habarlaıdy QazAqparat «Novostı-Grýzııa» agenttigine silteme jasap.
Eń belsendi daýys berýshiler Racha-Lechhýmı jáne Kvemo Svanetı óńirindegi bir mandatty №19 okrýginde tirkeldi. Munda halyqtyń 63,8% daýys berdi.
Eń tómengi órsetkish Kvemo-Kartlı óńirinde tirkeldi. Munda jergilikti halyqtyń 51% daýys bergen. 2016 jylǵy saılaýda daýys berýshilerdiń belsendiligi 51,63% bolǵan. Adam sanymen alǵanda barlyǵy 1 814 276 saılaýshy daýys berdi.
Senbi kúni Grýzııada Parlament saılaýy ótti. Saılaýǵa 48 partııa men eki blok tústi. Saılaýshylar 150 depýtatqa daýys berdi. Olardyń arasynda 120 depýtatqa proportsıonaldy, 30 depýtatqa majorıtarly júıe boıynsha daýys beriledi. Grýzınyń 3,5 mln halqy daýys berýge quqyly. Olar 3,8 ýchaskelede daýys berdi.
