Grýzııanyń Qazaqstandaǵy jańa elshisi taǵaıyndaldy

ASTANA. QazAqparat - Grýzııa prezıdenti Georgıı Margvelashvılı Kanada, Qazaqstan jáne Koreıa respýblıkasyna jańa elshilerdi taǵaıyndady.

Zýrab Abashıdze Qazaqstandaǵy Grýzııa elshisi laýazymyna qyzmetke keldi.

2001-2015 jyldary Shvetsııa men Fınlıandııada Grýzııa elshisi bolǵan Konstantın Kavtaradze Kanadadaǵy elshi jáne Halyqaralyq azamattyq avıatsııa uıymynyń (IKAO) turaqty ókili qyzmetine taǵaıyndaldy. Brazılııadaǵy elshi qyzmetin atqarǵan Otar Berdzenıshvılı Koreıa respýblıkasyndaǵy Grýzııa elshisi atandy, dep jazdy civil.ge .

«Úsheýi de tájirıbeli kadrlar. Bul qadamnyń atalǵan memlekettermen ekijaqty qarym-qatynastyń damýyna jáne Grýzııanyń tanymaldylyǵyn arttyrýǵa septigin tıgizerine senimdimiz», - dep málimdedi syrtqy qatynastar boıynsha prezıdent hatshysy Tengız Phaladze 30 qańtar kúni prezıdent úsh jańa elshini qabyldaǵan soń.