Grýzııanyń burynǵy bas polıtseıi jemqorlyqty qalaı jeńgenderin aıtty
ASTANA. QazAqparat - Qazaqstan úshin jemqorlyqpen kúreste ózge damyǵan elderdiń tájirıbesine súıenýdiń esh qajeti joq. Bul týraly búgin elordada ótip jatqan «Jahandaný jaǵdaıynda jemqorlyqqa qarsy is-qımyl» atty halyqaralyq konferentsııada Grýzııanyń burynǵy ishki ister mınıstri, EYDU konsýltanty Ekaterına Zgýladze aıtty, dep habarlaıdy QazAqparat tilshisi.
«Qazaqstannyń óz problemasy, óz basymdyǵy bar jáne sizderdiń elderińiz olardy qalaı sheshý jolyn taba alady. Jetkilikti tájirıbelerińiz de bar dep senemin. Grýzııa tájirıbesine qatysty birqatar dúnıeni atap óte alamyn».
Onyń aıtýynsha, zań bárine birdeı bolýy tıis.
«Adamdardy qorqytqan kezde onyń qas-qaǵym sáttik qana áseri bolady, protsesti turaqty jasaı almaıdy. Bizge memlekettik sheneýnikter úshin de jumys jaǵdaıyn jasaý qajet. Jalaqysy durys bolýy tıis. Degenmen, meniń jeke tájirıbeme qaraǵanda, bul da problemany sheshe almaıdy. Óıtkeni, sheneýnikterdiń qyzyǵýshylyǵyn oıatatyn jemqorlyq somasyn olarǵa jalaqy retinde tóleı almaımyz», - dedi ol.
Sheteldik sarapshynyń aıtýynsha, Grýzııada sheneýnikterge qoǵamdyq qurmet sezimin oıata alǵan. Sonyń arqasynda jemqorlyq joıylyp otyr.
«Bul aqshadan da mańyzdy. Bul kóp jaıtty ózgertti. Polıtsııany úlgi retinde mysal keltire ketsem, biz olardyń jalaqylaryn qaıta-qaıta kóterip, jańa keńseler saldyq, jańa mashına satyp alyp berdik. Biraq, olardyń adamdarǵa degen qarym-qatynasyn ózgertken dúnıe - olardyń qoǵam qurmetine ıe bolý jáne onyń óte qymbat ekendigin túsinýi. Bul aqshadan da qymbat. Sebebi, ózińde degen qurmetti bir sekýndta joǵaltyp, ony qaıta qalpyna keltire almaısyń. Qazaqstanda dál osyndaı psıhologııalyq qundylyq bar. Sondyqtan sizderge jan-jaqqa qaraýdyń qajeti joq. Qazaqstanda ilgerileýshilik bar. Sizderdiń zańnamalyq bazalaryńyz damyǵan óz elderden birde kem emes», - dedi Ekaterına Zgýladze.
