Grýzııanyń bas prokýrory buryn isti bolǵany anyqtalǵannan keıin otstavkaǵa ketti
ASTANA. 31 jeltoqsan. QazAqparat - Grýzııanyń bas prokýrory Otar Partshaladze otstavkaǵa ketýge aryz berdi,
dep habarlady RIA Novostı.
Partshaladzeniń mundaı sheshim qabyldaýyna qoǵamda onyń bıografııasyna qatysty suraqtardyń paıda bolýy sebep bolǵan.
Grýzııa prokýratýrasynyń basshysy qoǵamnyń pikirin eskerýdi óz mindeti dep sanaıtynyn jáne oǵan qurmetpen qarap, óz ornynan ketýge kerek dep sheshkenin atap ótti.
24 jeltoqsan kúni Tbılısı meri Gıgı Ýgýlava Partshaladzeniń 2001 jyly Germanııada urlyq pen qaraqshylyq jasaǵany úshin isti bolǵanyn, soǵan baılanysty 2016 jylǵa deıin onyń memlekettik qyzmette otyrýyna quqyǵy shektelgenin málimdedi. Grýzııanyń bas prokýrory Germanııada isti bolǵanyn moıyndady. Ol polıtsııa qyzmetkerlerimen qaqtyǵysqany úshin jaýapqa tartylǵanyn aıtty. Al aýyr qylmys jasady degen áńgimeniń shyǵýyn ózine qarsy ádeıi uıymdastyrylyp otyrǵan saıası naýqan dep atap otyr.
Otar Partshaladze Grýzııa premer-mınıstri Iraklıı Garıbashvılıdiń jarlyǵymen 2013 jyldyń qarashasynda bas prokýror bolǵan edi.
