Grýzııalyq metsenat Qazaqstanǵa ókpeni jasandy jeldetý apparattaryn jiberdi

NUR-SULTAN. QazAqparat – Búgin Grýzııadan Qazaqstanǵa ókpeni jasandy jeldetýge arnalǵan 10 apparat jetkizildi, dep habarlaıdy QazAqparat.

Ókpeni jasandy jeldetý apparattarynyń 10 jıyntyǵyn qamtıtyn gýmanıtarlyq júk Tbılısıden Almatyǵa jetti. Ony «Grýzııanyń ındýstrııalyq toby» dırektorlar keńesiniń tóraǵasy Davıd Bejýashvılı jibergen.

Endi apparattar Nur-Sultan qalasynyń medıtsınalyq mekemeleri arasynda taratylatyn bolady.

«Qazaqstan SІM dostas Grýzııa halqyna, «Grýzııa ındýstrııalyq tobynyń» basshysy Davıd Bejýashvılıge koronavırýs pandemııasymen kúreste kórsetken qoldaýy úshin alǵysyn bildiredi», - delingen QR Syrtqy ister mınıstrliginiń aqparatynda.