Grýzııalyq depýtattar endi otyrystarǵa ulttyq kıimmen keledi
ASTANA. 23 naýryz. QazAqparat - Grýzııalyq parlament qyzmet barysynda depýtattarǵa iskerlik nemese ulttyq kostıýmderdi kıip júrýdi mindettedi. «Grýzııa-jańalyqtary» agenttiginiń habarlaýynsha, parlament jumysynyń reglamentine tıisti túzetýler keshe úshinshi, ıaǵnı sheshýshi oqylymda qabyldandy.
lenta.ru saıtynyń jazýynsha, zań jobasyn qoldap 88 depýtat daýys berip, bireýi qarsylyq tanytty. Atalǵan túzetýler prezıdent Mıhaıl Saakashvılı qol qoıǵannan keıin kúshine enedi.
Reglamenttiń burynǵy redaktsııasy depýtattarǵa tek iskerlik kostıýmderdi kıip júrýdi qarastyratyn edi. Alaıda, túzetýler engizý bastamasyn kótergen parlamenttik kópshiliktiń ókili, Konservatıvtik partııanyń atynan shyqqan depýtat Bıdzına Gýdjabıdze men onyń jaqtastary otyrystarǵa birneshe ret ulttyq kıimde kelgen kórinedi.
Gýdjabıdze basylymǵa bergen suhbatynda cherkeskany «ulttyq-memlekettik atrıbýtqa» aınaldyrýǵa úmitti ekenin aıtqan bolatyn.
