Grýzııaǵa qonys aýdarǵysy keletin IT-mamandarǵa jaqsy jańalyq aıtyldy

ASTANA. KAZINFORM — 2025 jylǵy 1 qyrkúıekten bastap Grýzııada sheteldik IT-mamandarǵa arnalǵan arnaıy turýǵa ruqsat túri engiziledi, dep habarlaıdy Sınhýa.

Bul týraly Grýzııanyń Ádilet mınıstrligi habarlady. Sonymen qatar vedomstvo qajetti qujattar tizimin de usyndy.

Mınıstrliktiń málimetinshe, ruqsat úsh jylǵa beriledi, biraq eger adam jylyna 183 kúnnen artyq elde bolmasa, ol kúshin joıady.

Turýǵa ruqsat IT-mamandardyń otbasylaryna da qoljetimdi. Ol zańdy turýǵa jáne keıbir memlekettik baǵdarlamalarǵa qatysýǵa múmkindik beredi. Degenmen eldiń saıası ómirine aralasýǵa, aýyl sharýashylyǵy maqsatyndaǵy jerlerdi satyp alýǵa jáne tek azamattarǵa arnalǵan baǵdarlamalardy paıdalanýǵa ruqsat bermeıdi.

Budan buryn habarlanǵandaı, 2025 jyldyń ekinshi toqsanynda Grýzııaǵa 1,8 mıllıon sheteldik azamat barǵan. Bul kórsetkish ótken jyldyń sáıkes kezeńimen salystyrǵanda 6,9 paıyzǵa joǵary.