Grýzııaǵa 36 myń dollar alyp ketpek bolǵan azamat ustaldy

NUR-SULTAN. QazAqparat - «Áýejaı-Shymkent» keden beketiniń qyzmetkerleri 12 maýsymda Shymkent-Kýtaısı halyqaralyq áýe reısine kedendik baqylaý júrgizip, 36 000 AQSh dollaryn (15 905 240 teńge) quraıtyn qolma-qol aqshany zańsyz alyp ótpek bolǵan Qazaqstan azamatyn anyqtap, toqtatty, dep habarlaıdy QazAqparat.

Bul derek týraly Memlekettik kirister komıtetinen málimdedi. Azamattyń áreketinde ÁQBtK-niń 545-babynda kórsetilgen ákimshilik quqyq buzýshylyq belgileri bar.

«Osy fakti boıynsha Shymkent qalasynyń mamandandyrylǵan ákimishilik sotyna protsessýaldyq sheshim qabyldaý úshin istiń materıaldary joldandy», - dep jazdy vedomstvodan.

Eske sala keteıik, Memleket basshysynyń 2022 jylǵy 14 naýryzdaǵy Jarlyǵyna sáıkes, Ulttyq bank áketý kúnine belgilegen baǵam boıynsha eseptelgen jáne 10 myń AQSh dollary balamasynan asatyn somadaǵy qolma-qol shetel valıýtasyn nemese shetel valıýtasyndaǵy aqsha quraldaryn áketýge tyıym salynǵan.