Grýzııadan ekstradıtsııalanǵan sottalýshydan memleket shyǵyny óndirildi
ASTANA. KAZINFORM – Boryshkerden barlyq shyǵyn tolyqtaı memleket paıdasyna óndirildi. Bul týraly Shymkent qalasy prokýratýrasynyń baspasóz qyzmeti habarlady.
— Halyqaralyq izdeýde júrgen sottalýshy 2024 jyldyń shilde aıynda Grýzııa Respýblıkasynda ustalyp, Qazaqstanǵa ekstradıtsııalaý barysynda memleket bıýdjeti esebinen 1,7 mln teńgeden astam qarjy jumsalǵan, — delingen aqparatta.
Shymkent qalasynyń azamattyq ister jónindegi aýdanaralyq sotymen Ál-Farabı aýdany prokýratýrasynyń shyǵyndy óteý týraly talaby tolyq qanaǵattandyryldy.
— Búgingi tańda qozǵalǵan atqarýshylyq is júrgizý qujaty negizinde boryshkerden barlyq shyǵyn tolyqtaı memleket paıdasyna óndirildi, — delingen Shymkent qalasy prokýratýrasy habarlamasynda.
Aıta ketelik 8,5 mlrd teńgeni jymqyrǵan qurylys kompanııasynyń basshysy Reseıden ekstradıtsııalanǵan edi.