Grýzııadan ákelingen 1 tonna qaýipti mandarın joıyldy

NUR-SULTAN. QazAqparat – Elimizge ákelingen bir tonna qaýipti mandarın joıyldy, dep habarlaıdy QazAqparat AShM baspasóz qyzmetine silteme jasap.

Elordalyq ósimdikter karantıni jónindegi memlekettik ınspektorlar fıtosanıtarlyq baqylaý barysynda Grýzııa elinen «Komstok symyry» zııankesin juqtyrǵan mandarınderdiń iri partııasyn anyqtady.

Karantındik zııankesterdiń taralyp ketpeýi úshin QR AShM memlekettik ınspektorlary 1 210 kg qaýipti mandarındi tárkilep, zııandy jemister ekopolıgon aýmaǵynda órteldi.

Sonymen qatar, atalmysh fakti boıynsha ákimshilik is qozǵalyp, sot sheshimimen ónim ıesine 53 025 teńge kóleminde aıyppul salyndy.

Aıta ketsek, Komstok symyry zııankesi negizinen almurt, alma, anar, shabdaly, órik, banan, injir, júzim, dolana, katalpa, tsıtrýstar, kartop, qarbyz, qaýyn, burysh jáne basqada kókónisterdi zaqymdaıdy. Komstok symyry taralǵan kezde ósimdikterdiń jappaı qýraýyna alyp keledi.