Grýzııadan 7 jastaǵy Qazaqstan azamaty elge qaıtaryldy
ASTANA.KAZINFORM - QR Oqý-aǵartý mınıstrligi men Qazaqstannyń Grýzııadaǵy Elshiliginiń birlesken jumysy nátıjesinde 7 jastaǵy Qazaqstan azamaty - qyz bala elge qaıtaryldy.
Balany elge qaıtarý sharalary alty aı boıy júrgizildi. Osy kezeńde tıisti memlekettik organdar arasynda kelissózder ótip, grýzın tarapynyń quzyrly mekemelerimen baılanys ornatyldy. Qajetti qujattar rásimdelip, barlyq rásim zańnamaǵa sáıkes júzege asyryldy.
Qazirgi ýaqytta qyz bala qaýipsiz jaǵdaıda, oǵan psıhologııalyq qoldaý kórsetilip jatyr. Sondaı-aq, búginde balanyń múddesi eskerilip, zańnama talaptaryna sáıkes ony otbasyna ornalastyrý máselesi qarastyrylyp jatyr.
Balanyń quqyqtaryn, qaýipsizdigin jáne jeke ómiriniń qupııalyǵyn qorǵaý maqsatynda onyń derbes derekteri men oqıǵaǵa qatysty ózge de málimetter jarııa etilmeıdi.
Eske sala keteıik, árbir balanyń quqyǵy men zańdy múddesi el ishinde de, shetelde de memlekettiń qorǵaýynda.
Buǵan deıin Taıaý Shyǵys elderinen qansha qazaqstandyq elge qaıtarylǵanyn jazǵan bolatynbyz.
