Grýzııadaǵy prezıdent saılaýynda Margvelashvılı 63,82 paıyz daýyspen kósh bastap keledi
TBILISI. 28 qazan. QazAqparat - «Grýzın armanynyń» kandıdaty Georgıı Margvelashvılı Grýzııadaǵy prezıdent saılaýynda 83 myń 888 daýys (nemese 63,82 paıyz) jınady.
Mundaı málimetterdi Grýzııanyń ortalyq saılaý ortalyǵy 440 saılaý ýchaskesiniń bıýlletenderin qaraǵannan keıin keltirip otyr.
«Biryńǵaı ulttyq qozǵalys» atynan usynylǵan úmitker Davıd Bakradze 27 myń 965 ( 21,28 paıyz) daýys jınaǵan. Úshinshi orynda parlamenttiń burynǵy spıkeri Nıno Býrdjanadze, qazir oǵan tıesili daýys sany - 12 myń 505 (9,51 paıyz), dep habarlady «Novostı-Grýzııa».
Ortalyq saılaý komıssııasynyń málimetteri boıynsha daýys berýge 1 mln. 648 myń 662 adam qatysqan. Grýzııada saılaý aldynda 3 mln. 537 myń 719 daýys berýshi tirkelgen.
