Grýzııadaǵy prezıdent saılaýyna Qazaqstannyń baıqaýshylary qatysady

ASTANA. QazAqparat - QR Ortalyq saılaý komıssııasy 28 qazandaǵy Grýzııa Prezıdentin saılaýǵa Qazaqstannan jiberiletin baıqaýshylar tizimin bekitý máselesin qarastyrdy, dep habarlaıdy QazAqparat komıssııanyń baspasóz qyzmetine silteme jasap.

Osy saılaýǵa taǵaıyndalǵandar tiziminde Qazaqstan Respýblıkasynyń 9 ókili bar. Solardyń ishinen Grýzııa OSK shaqyrtýy boıynsha saılaýdy baqylaýǵa 9 adam qatysady.
EQYU/DIAQB atynan mıssııany baıqaýshylar tizimine Qazaqstannyń 6 ókili kirgen: QR Ortalyq saılaý komıssııasynan, QR Bas prokýratýrasynan jáne QR Joǵarǵy sotynan, «Nur Otan» saıası partııasynan - 1 úmitker, QR Syrtqy ister mınıstrliginen - 2 úmitker bar.
Osylaısha, baqylaýshy retinde bekitiletin 9 úmitker mynalar:
QR OSK - 3 adam;
QR Bas prokýratýrasy - 1 adam;
QR Joǵarǵy soty - 1 adam;
QR Syrtqy ister mınıstrligi - 2 adam;
«QR OSK ITO» - 1 adam;
«Nur Otan» saıası partııasy - 1 adam.
Grýzııa Prezıdentin saılaýdy baqylaý úshin quramynda EQYU Parlament Assambleıasynyń delegatsııasy bar QR Parlamentiniń 3 ókili qatysady.

Otyrystan keıin QR OSK múshesi Z.H. Baımoldına jáne QR OSK apparatynyń Halyqaralyq yntymaqtastyq jáne protokol bólimi qazaqstandyq baıqaýshylarǵa praktıkalyq ınstrýktaj ótkizdi.

Sonymen qatar, baıqaýshylardy saılaýdy baıqaý barysyndaǵy negizgi qujattarmen jáne standarttarmen, atap aıtqanda daýys berý kúni rásimderiniń erekshelikterimen jáne saılaýdyń bastapqy nátıjelerin qorytyndylaý protsesimen tanystyrdy.