Grýzııadaǵy parlamenttik saılaýda oppozıtsııa ázirshe alda keledi
BAKÝ-TBILISI. 2 qazan. QazAqparat - Grýzııanyń Ortalyq saılaý komıssııasy 1 qazanda ótken parlamenttik saılaýdyń alǵashqy qorytyndylaryn jarııalaýdy jalǵastyrýda.
Alǵashqy aqparattarǵa sáıkes, 54,61 paıyzben «Bıdzına Ivanıshvılı - Grýzııa armany» oppozıtsııalyq koalıtsııasy kóshbasshylyǵyn saqtap tur.
40,44 paıyzben «Biryńǵaı ulttyq qozǵalys - halyqqa barynsha paıda» basqarýshy partııasy ekinshi orynda keledi. Odan keıin 2,07 paıyzdyq kórsetkishpen - «Gıorgı Targamadze hrıstıan-demokratııalyq qozǵalysy», 1,31 paıyzben - «Shalva Natelashvılı - Grýzııanyń leıborıstik partııasy», 0,47 paıyzben - «Jańa quqyqtar», 0,12 paıyzben - «Djondı Bagatýrııa Kartýlı dası» jáne 0,02 paıyzben «Halyqtyq qozǵalys» keledi.
Aıta keteıik, 3 766 ýchaskeniń 418-iniń ǵana málimetteri sanaldy.
Majorıtarlyq okrýgtarda ázirge bıliktiń partııasy alda keledi.
«Parlamenttik saılaýda Grýzııa saılaýshylarynyń belsendiligi 61 paıyzdy qurady», - dedi Grýzııa OSK-niń qorytyndy brıfınginde baspasóz-spıker Eka Azarashvılı.
Ol saılaý ashyq ári aıtarlyqtaı buzýshylyqtarsyz ótkendigin málim etti.
Grýzııada saılaýǵa 14 partııa men eki saıası blok qatysty.
