Grýzııadaǵy kóshkin ótken jerden qazaqstandyqtar evakýatsııalandy
ASTANA.QazAqparat - Ótken táýlikte Grýzııanyń Darıal shatqalynda kóshkin júrip, apatty jerden 200-ge jýyq adam evakýatsııalandy, dep habarlaıdy Grýzııanyń ІІM-niń málimetterine súıengen «Grýzııa jańalyqtary» agenttigi.
Oqıǵa ornynan qaýipsiz jerge kóshirilgenderdiń ishinde Qazaqstan, Ýkraına jáne Belarýs elderiniń alysqa qatynaıtyn kólik júrgizýshileri bolǵan. Olardyń bárine gýmanıtarlyq kómek kórsetildi, jeke gıgıenalyq zattar men azyq-túlik taratyldy. «Qazirgi ýaqytta sheteldik júrgizýshiler «Joǵarǵy Lars» shekaralyq-ótkizý pýnktiniń baǵytynda tikushaqpen evakýatsııalandy. Sol jerden olar ózderiniń júk kólikterimen shekaradan ótip, Reseı aýmaǵyna qaraı óz joldaryn jalǵastyrady», - delingen habarlamada. Grýzııanyń ІІM TJ departamentiniń qyzmetkerleri oqıǵa ornynda 24 saǵattyq rejimde izdeý-qutqarý sharalaryn júrgizýde. «Interpressnıýs» agenttiginiń habarlaýynsha, tabıǵı apat saldarynan keminde bes adam joǵalǵan dep sanalady.
