Grýzııadaǵy ushaq apaty: Bortta 20 adam bolǵan – Túrkııa Ulttyq qorǵanys mınıstrligi
ASTANA. KAZINFORM — Ázerbaıjannan Túrkııaǵa baǵyt alyp Grýzııa men Ázerbaıjan shekarasynda apatqa ushyraǵan túrkııalyq áskerı-kólik ushaǵynyń qaldyqtary tabyldy, dep habarlady Túrkııa Ulttyq qorǵanys mınıstrligi NSosyal áleýmettik jelisindegi resmı paraqshasynda. Mınıstrlik bortta 20 adam bolǵanyn da rastady.
Oqıǵa ornynda qutqarý operatsııasy jalǵasyp jatyr.
«Ázerbaıjannan elimizge qaraı ushqan S-130 áskerı-kólik ushaǵymyz Grýzııa men Ázerbaıjan shekarasynda qulady. Qutqarý jumystary Ázerbaıjan jáne Grýzııa bıliginiń úılestirýimen qolǵa alyndy», delingen habarlamada.
Túrkııanyń Ulttyq qorǵanys mınıstrligi Grýzııa men Ázerbaıjan shekarasynda qulaǵan áskerı júk ushaǵynyń synyqtary tabylǵanyn habarlady. Apattyń sebebi áýe apattaryn tergeý jónindegi komıssııa júrgizetin egjeı-tegjeıli tergeý nátıjesinde anyqtalmaq.
Al mınıstrliktiń málimdemesinde bylaı delingen:
«Grýzııalyq izdestirý-qutqarý toptary ushaq qulaǵan jerge jergilikti ýaqyt boıynsha saǵat 17:00-de jetti. Ushaqtyń synyqtary bizdiń áýe apattaryn tergeý tobymyz tekserý júrgizý úshin qorshaýǵa alyndy. Tergeý toby sonda attandy. Ushaqtyń qulaý sebebi oqıǵa ornynda júrgiziletin egjeı-tegjeıli zertteý nátıjesinde anyqtalady».
Túrkııanyń Ulttyq qorǵanys mınıstrligi Grýzııa men Ázerbaıjan shekarasynda apatqa ushyraǵan C130 áskerı-kólik ushaǵynyń bortynda 20 adam bolǵanyn habarlady.
«Apatqa ushyraǵan ushaq bortynda ekıpaj múshelerin qosa alǵanda, 20 adam bolǵan. Qutqarý jumystary ushaq qulaǵan jerde jalǵasyp jatyr», delingen mınıstrliktiń málimdemesinde.
Túrkııa prezıdenti Rejep Taıyp Erdoǵan Grýzııa premer-mınıstri Iraklı Kobahıdzemen telefon arqyly sóılesti.
Prezıdent ákimshiliginiń málimdemesine sáıkes, áńgime barysynda Grýzııa aýmaǵynda Túrkııa Áýe kúshteriniń áskerı-kólik ushaǵy qulaǵan jerdegi izdestirý-qutqarý jumystarynyń sońǵy barysy talqylandy.
Eske sala keteıik, Ázerbaıjannan ushyp shyqqan Túrkııanyń C-130 áskerı-kólik ushaǵy Grýzııa aýmaǵynda apatqa ushyraǵanyn jazǵanbyz.
Kóp uzamaı Memleket basshysy Qasym-Jomart Toqaev Túrkııa Prezıdentine kóńil aıtý jedelhatyn joldady.