Grýzııadaǵy prezıdent saılaýy 14 jeltoqsanǵa belgilendi
ASTANA. KAZINFORM – Grýzııa parlamenti jalpy otyrysta prezıdent saılaýynyń merzimin belgiledi. Daýys berýge parlamenttiń 85 depýtaty tirkeldi. 80 depýtat caılaýdy 14 jeltoqsanda ótkizýdi qoldap, birde-biri qarsylyq bildirmedi.
– Alǵash ret prezıdent saılaýyn tikeleı daýys berý arqyly emes, parlament depýtattary men Adjarııa men Abhazııa Joǵarǵy keńesteriniń, sondaı-aq jergilikti ákimshilikter ókilderinen turatyn saılaý alqasy ótkizedi, - dedi spıker Shalva Papýashvılı.
Ol qazirgi prezıdent Salome Zýrabıshvılıdiń alty jyldyq ókilettigi 16 jeltoqsanda aıaqtalatynyn, sondyqtan Konstıtýtsııada belgilengen merzimde saılaý ótkizý kerektigin eske saldy. Jańa prezıdentti ulyqtaý rásimi 29 jeltoqsanda ótedi.
Grýzııanyń qazirgi prezıdenti Salome Zýrabıshvılı 2018 jyly azamattardyń tikeleı daýys berýi arqyly 6 jyldyq merzimge saılandy. Onyń merzimi osy kúzde aıaqtalady. Konstıtýtsııaǵa engizilgen jańa túzetýlerge sáıkes, bolashaq prezıdentti 26 qazanda ótetin parlamenttik saılaýdan keıin parlament depýtattary men jergilikti bılik ókilderinen turatyn 300 saılaýshyny qamtıtyn alqa 5 jyldyq merzimge saılaıdy.
Buǵan deıin bıliktegi «Grýzın armany – demokratııalyq Grýzııa» partııasynyń negizin qalaýshy Bıdzına Ivanıshvılı Iraklıı Kobahıdzeni premer-mınıstr qyzmetine qaıta taǵaıyndaýdy usynǵan.
Iraklıı Kobahıdze óz úkimetiniń jańa quramyn tanystyrǵanyn da habarlaǵan bolatynbyz.