Grýzııadaǵy ınflıatsııa: kıim-keshek pen azyq-túlik baǵasy qymbattady

ASTANA. KAZINFORM — Irannyń Syrtqy ister mınıstri Grýzııada tutyný baǵalary qazan aıynda qyrkúıekpen salystyrǵanda 0,6%-ǵa ósti, al jyldyq ınflıatsııa 5,2%-dy qurady, dep habarlaıdy Grýzııanyń Ulttyq statıstıka qyzmeti (Geostat). 

Eń úlken ósim kıim men aıaq kıimge tıesili boldy, ol bir aıda 8,2%-ǵa ósti. Aıaq kıim baǵasy shamamen 17%-ǵa, al kıim baǵasy 4%-ǵa qymbattady. 

Azyq-túlik baǵasy jyl ishinde eń kóp — 11,7%-ǵa qymbattady, bul jalpy ınflıatsııanyń jalpy deńgeıine shamamen 4 paıyzdyq tarmaq engizdi.

Budan basqa, medıtsınalyq qyzmetter 8,9%-ǵa, al alkogol men temeki ónimderiniń baǵasy 5,6%-ǵa ósti.

Geostat málimetinshe, Grýzııadaǵy baǵanyń ósýi syrtqy faktorlarmen, atap aıtqanda, ımporttyq taýarlar baǵasynyń ósýimen jáne ishki suranystyń artýymen baılanysty bolǵan. Bul rette álemdik baǵalarǵa táýeldilik joǵary bolyp qalyp otyr. 2025 jyly ınflıatsııa qurylymyndaǵy ımporttyq taýarlardyń úlesi aldyńǵy jyldarmen salystyrǵanda tipti ósti.

Atap ótilgendeı, sońǵy 12 aıda ortasha jyldyq ınflıatsııa shamamen 5%-dy quraǵan, bul Grýzııa Ulttyq banki belgilegen maqsatty deńgeıge shamamen sáıkes keledi.

Buǵan deıin Grýzııada ınflıatsııa 4,8%-ǵa jetip, azyq-túlik baǵasynyń ósýi boıynsha sońǵy eki jyldaǵy rekordty jańartqanyn jazǵan bolatynbyz.