Grýzııadaǵy Grand Slam jarysyna qatysatyn Qazaqstan quramasy anyqtaldy
ASTANA. KAZINFORM - Grýzııa astanasy Tbılısı qalasynda ótetin dzıýdodan álemdik Grand Slam jarysyna qatysatyn Qazaqstan quramasy belgili boldy.
Tatamı tórinde 53 elden kelgen 424 sportshy qatysady dep josparlanǵan. Bedeldi báseke 20-22 naýryz kúnderi ótkiziledi.
Oǵan Qazaqstan erler quramasy tolyq qurammen qatysady.
Qazaqstan quramasy
60 keli: Maǵjan Shamshadın, Talǵat Orynbasar
66 keli: Nurqanat Serikbaev, Aqyljan Jubatqanov
73 keli: Ańsarbek Ǵaınýllın, Ánýar Jumageldın
81 keli: Asqar Narqulov, Mádı Amangeldi
90 keli: Baraq Arqabaı
100 keli: Baqjan Baıtas, Beıbit Mádıev
100 keliden joǵary: Elaman Erǵalıev.
Eske salsaq, Qazaqstan quramasy dzıýdodan Polshadaǵy Eýropa kýbogyn 5 medalmen aıaqtady.
Aıta ketsek, budan buryn 60 kelige deıingi salmaq dárejesinde jeńis tuǵyryna Qazaqstannyń úsh sportshysy kóterildi. Fınalda Toqtar Ýmýtalıev Suńǵat Nurlatulyn jeńse, bul salmaqta qola júlde úshin beldesýde Asylhan Zınýllın polshalyq sportshy Ksaverıı Ignasıakty qapy qaldyrdy.
El quramasy qorjynyna taǵy eki qolany Kamıla Berliqash (78 keli) pen Aıbol Nysanáli (90 keli) saldy.
