Grýzııada joǵalyp ketken qazaqstandyqtyń dostary jeke izdeýshilerdi jaldaýǵa qarajat jınap jatyr

Ánýar Dúısenbınov óziniń Feısbýk paraqshasyna Grýzııa TJM tarapynan izdeý jumystarynyń toqtatylǵanyn, al QR SІM Sergeıdiń telefonyndaǵy sońǵy geolokatsııa núktelerin anyqtaýdy áli qolǵa almaǵanyn jazdy.

«Búgin Grýzııadaǵy burynǵy TJM qyzmetkeri basqaratyn izdeý tobyn aqshaǵa jaldaýdy uıǵardyq jáne sizderden sol qarajatty jınaýǵa kómek suraımyz. Bul izdeý. Grýzııa TJM burynǵy qyzmetkeri basqaratyn tájirıbesi mol tórt alpınısten quralǵan top, aty-jónderin áli bilmeımin. Tek qyzmettiń aqyly ekenin bilemin. Bes kún izdeý jumystary shamamen 3 000 AQSh dollary turady. Árıne, aqshany qaıda jumsaǵanymdy kórsetip, esep berip turamyn. Qarajat somasy jınalǵanda, qujattar men dálelderdi Feısbýkke salamyn», - dep jazǵan.

Á.Dúısenbınov Grýzııa TJM belsendi izdeý jumystary úsh kúnge ǵana sozylǵanyn jazdy. Keıin jubaıy Evgenııa Rıabýhına men dosy Roman Ganıýshınniń aıtýynsha, araǵa kún salyp, 1-2 adam izdegen. TJM qaýipti aýdandardy qarap shyqty, al odan da qaýipti jerlerge barǵysy kelmeıdi. Qalǵan aýdandardy qarap shyǵýdyń esh máni joq dep sanaıdy. Ázirge izdeý jumystary toqtatyldy. QR Elshisi Sergeıdiń telefonyndaǵy sońǵy geolokatsııa jaıly aqparatty ala almady. Sebebin esh túsindirgen joq.

«Lıza Alert» uıymymen birigip jumys isteý de esh nátıje bergen joq. Esterińizge sala keteıin, birneshe kún buryn sol aımaqtaǵy eriktiler toby bizdiń jaǵdaıymyzdy estip, Ýshýglıǵa keldi. Biraq bul eriktiler izdeýge shyqqan joq, birneshe oryndy keńester berdi, bul da mańyzdy», - dep atap ótti S.Trofımovtyń dosy.

 QR Syrtqy ister mınıstrligi qoldan kelgenshe tyrysyp jatqandaryn aıtty. Ázirge SІM qyzmetkerleri S.Trofımov jaıly sońǵy aqparattardy jınaýda.

Aıta keteıik, Á.Dúısenbınov áleýmettik jelide aldymen dabyl qaqty. 23 shildeden beri Sergeımen baılanysa almaı otyrǵanyn aıtty. 6 shilde kúni Qazaqstan men Reseıge avtokólikpen saıahat jasap júrgen Sergeı Grýzııaǵa barǵan.  Grýzııadaǵy Borjomı, Kýtaısı, Svanetıı, Mestııa jáne Ýshgýlıde bolǵan.