Grýzııada jappaı halyq sanaǵy bastaldy
ASTANA. QazAqparat - Grýzııada jappaı halyq sanaǵy bastaldy. Sanaqty BUU Halyq qonystanýy qory jáne Shvetsııa úkimetiniń járdemimen Grýzııanyń Ulttyq statıstıka ("Sakstatı") qyzmeti sońǵy 12 jylda alǵash ret ótkizip otyr.
"Sakstatı" habarlaǵandaı, halyq sanaǵy 19 qarashaǵa deıin sozylady. 15 kún ishinde 10 myńnan astam arnaıy daıarlyqtan ótken eriktiler úı-úılerdi aralap, el aýqymyndaǵy ár otbasy jáne onyń ár múshesi jaıly aqparatty jınaıdy. Vedomstvoda «el aýmaǵynda turatyn Grýzııanyń ár azamaty, barlyq sheteldik azamattar jáne azamattyǵy joq adamdar da sanaqqa qatysýǵa mindetti» ekeni atap ótilgen.
2014 jylǵy halyq sanaǵy Grýzııada BUU Halyq qonystanýy qorymen áriptestik aıasynda ázirlengen el óńirleriniń elektrondyq kartasyn (jańa tehnologııa) paıdalanyp, ótkizýde.
