Grýzııada V ǵasyrdaǵy hramda 1200 jyl buryn sý quıylǵan ydys tabyldy
ASTANA. QazAqparat - Kvarelıde (grýzııalyq Kahetı aımaǵy) V ǵasyrdyń hramy aýmaǵynda júrgizilgen arheologııalyq qazbalarda shamamen 1200 jyldyq taza sý toltyrylǵan ydys (sharap jasaýǵa arnalǵan ydys) tabyldy.
Mamandar bul VIII ǵasyrdyń ydysy jáne ol qasıetti sý saqtalatyn hramnyń ortalyǵynda bolǵan, deıdi arheologııalyq ekspedıtsııanyń basshysy Nodar Bahtadze.
Zerthanalyq zertteý barysynda tabylǵan sý taza jáne ishýge jaramdy ekeni anyqtaldy. Zerthanada sýdan bakterııalar tabylmady, ıisi men dámi ózgermegen. Sondaı-aq, ol jańbyr sýy da emes, dep jazdy grýzııalyq Kahetınskıı aqparattyq ortalyǵynan.
Bahtadze ózi sýdyń dámin tatyp kórdi. Sonymen qatar patrıarhııa ókilderi sýdyń bir bóligin alyp ketti. Olar bul sý qasıetti bolǵandyqtan saqtaldy degen senimde.
