Grýzııada týrıster mingen avtobýs aýdarylyp qaldy
TBILISI. QazAqparat - Grýzııanyń shyǵysynda jol-kólik oqıǵasy bolyp, týrıster mingen avtobýs apatqa ushyrady. Apattyń saldarynan avtobýsta bolǵan Belarýs eliniń 25 azamaty zardap shekti, dep habarlaıdy TASS.
TASS agenttigi habarlaǵanyndaı, Grýzııanyń Telavı qalasyndaǵy klınıkaǵa jol apatynan zardap shekken 16 adamdy jetkizgen.
«Zardap shekkenderdiń biriniń buǵanaǵy synǵan, oǵan operatsııa jasaldy. Qalǵan úsh týrıstiń mıy shaıqalyp, ózgeleri jeńil jaraqat alǵan. Olardyń barlyǵyna medıtsınalyq kómek kórsetildi»,-dep naqtylady klınıkadaǵylar.
Grýzııa «Rýstavı-2» telekompanııasy ókilderiniń habarlaýynsha, Tbılısıden Telavıge bara jatqan avtobýsta 27 adam bolǵan.
Osyǵan deıin Gomborı taý shatqalyndaǵy joldardyń birinde de avtobýs aýdarylyp qalǵan bolatyn. Tbılısıdiń Imedi kompanııasy 10 adamnyń zardap shekkenin habarlady.
